Festival Aturuxo 2024 – XII Edición – Bravos, Ourol – 19 e 20 de xullo
23/05/2024
Ben coñecido na escena punk galega traerá ó noso festival a súa particular visión musical do mundo na que combina melodías punk con incisivas letras poéticas. Un caso aparte! Lume!
O burelés Zé Pequeno (Emilio López, ex-Skornabois), cantante e produtor de Safari Orquestra, comezou a súa carreira como DJ xa hai uns anos e, dende entón, leva animando coas súas sesións diferentes festivais, pubs e clubs tanto da xeografía galega como española, convertíndose así nun dos DJs máis influentes de Galiza. Foi DJ residente durante varios anos en A Casa das Crechas en Compostela, onde comezou a interesarse pola World Music que combina elementos de diferentes culturas e tradicións musicais e na cal basea as súas actuacións. Ídevolo perder?
23/05/2024
O burelés Emilio López (ex-Scornabois, cantante e produtor de Safari Orquestra) leva anos animando coas súas sesións festivais, pubs e clubs dentro e fóra da xeografía galega. Nesta edición traerá ó noso festival o seu estilo World Music que combina elementos de diferentes tradicións e culturas musicais! Lume!
Nome artístico de Francisco Manuel Cerdeira Castiñeiras, recoñecido músico, compositor, produtor e figura emblemática da música infantil galega. A súa traxectoria musical comezou como membro do grupo Mamá Cabra, e máis tarde, en 2014, creou a banda A Gramola Gominola, coa que lanzou varios traballos discográficos orientados ao público máis novo.
O seu debut en solitario chegou en 2017 co álbum “Pakolas”, publicado por Editorial Galaxia na súa colección Sonárbore. Este traballo foi seguido por “Ramona Órbita, a Dona do Tempo” en 2020 e “A Ramona Pequena vai á Lúa” en 2023, ambos tamén acompañados de libros ilustrados por Laura Romero.
Pakolas destaca pola súa capacidade de conectar coa rapazada a través da música, combinando letras educativas con melodías pegadizas. O seu estilo único e a súa dedicación á música infantil foron recoñecidos con varios premios, incluíndo o XIV Premio Rosalía de Castro da Deputación da Coruña e sendo finalista varias veces no Premios Martín Códax da Música na categoría de Música Infantil.
Os concertos de Pakolas son coñecidos pola súa enerxía e a súa capacidade de involucrar ao público de todas as idades, facendo dos seus espectáculos unha experiencia inesquecible para as familias! Non volo perdades!
23/05/2024
O emblemático e recoñecido artista da escea músical infantil/familiar galega pisará Bravos nesta edición do festival para facernos gozar co seu rock a peques e non tan peques con temas míticos coma Rock da roda rota, Manolo Cavernario ou Pícame o cu! Lume!
21/03/2024
Adiantábamolo no seu recente concerto en El Garaje en Viveiro e agora anunciámolo oficialmente. Loita Amada traerán ó Festival Aturuxo a súa mestura de rock, punk e música tradicional para convertir o noso escenario nunha auténtica celebración da cultura e a música galega!
Rematamos así esta primeira rolda de anuncios pero non sen antes convidarvos a que non lle quitedes ollo tanto ás nosas redes sociais coma á nosa páxina web porque non tardaremos en voltar con máis novidades. Lume!
Loita Amada entrou de cheo na escena musical galega coa súa mestura de canción de autor, protesta e rock. Co carismático Jásper á fronte pasarán polo Festival Aturuxo no medio da súa xira do seu último traballo, Rematou o simulacro, unha viraxe significativa respecto ao seu anterior traballo, mergullándose nun son máis roqueiro e intenso. Na súa curta traxectoria, marcada pola evolución e a reinvención, podemos apreciar influencias que van dende o punk ata o metal, pasando polo grunge e a música tradicional. A súa música é unha celebración da cultura galega, unha voz para os que creen nun mundo máis xusto e unha chamada á acción a través da arte.
Loita Amada promete un concerto cheo de enerxía, compromiso e, sobre todo, boa música!
20/03/2024
Estes composteláns serán outro dos pratos fortes do Festival Aturuxo deste ano. Comprometidos coa nosa cultura e a nosa terra traerannos a súa unha mensaxe de resistencia, amor e loita na súa mestura de punk, rock e folk.
Mañá outro anuncio!
Lume!
Tecor Societário, unha banda galega con moito que dicir, será un dos pratos fortes do noso festival deste ano. Formada por músicos comprometidos coa nosa cultura e a nosa terra traerán ó noso escenario a súa mestura de punk, rock e folk.
Nados en Compostela aló polo 2017, as súas cancións son unha viaxe polos recunchos da nosa identidade, cunha enerxía que atrapa e unha mensaxe que fala de resistencia, amor e loita. O seu recén salido último álbum Ti qué vas facer? da boa conta diso.
Non perdas a oportunidade de escoitar a súa música en directo no Festival Aturuxo 2024!
Catuxa Salom é unha das artistas galegas máis vibrantes e innovadoras no panorama musical galego. A súa voz e a súa magnética presenza escénica convértena nunca figura icónica na música galega actual.
Nada na fervenza cultural de Galiza, Catuxa bebeu das fontes da tradición e mesturounas con sonoridades modernas para crear un estilo único que trascende fronteiras. A súa música é unha viaxe polos sons tradicionais galegos reinventados para o público de hoxe.
No Festival Aturuxo, Catuxa presentará un repertorio no que non faltarán temas coma Aguas Venir, Nunha Aldea ou Xa Non Ves que prometen unha actuación onde a paixón e a arte se dan a man.
Non perdas a oportunidade de experimentar a maxia de Catuxa Salom en directo no noso festival!