Chega unha das bandas máis celebradas da nosa música: O Sonoro Maxín! Con máis de 15 anos enriba dos escenarios, traen o seu novo disco «A primavera ten que ser nosa», unha festa de ritmos tropicais, baile e loita! 🌺✊

Formada por músicos de Lamatumbá ou Mutenrohi, levan compartido escenario con Manu Chao, Tonino Carotone ou Shantel. Palabras maiores!

O Sonoro Maxín vén prenderlle lume ao Aturuxo!! Estades preparadas/os? 🔥🐗

Belém Tajes é unha das voces máis destacadas da escena galega actual 💫 Cunha traxectoria que vai do tradicional ao pop pasando polos sons latinos, a súa proposta en solitario brilla con luz propia.

Tras formar parte de grupos como Luar na Lubre, Aliboria e Moura, chega ao Festival Aturuxo cun directo cheo de forza e emoción 🌱

Presentará Amar o Mar, o primeiro ecodisco galego, unha viaxe sonora que mestura identidade e un pop folk luminoso 🌊

Imposible perdelo! 🌀💚

Rock-punk galego sen concesións! 🎸🔥

Filophóbicas levan dende 2016 facendo tremer o underground con letras afiadas, retranca e unha presenza escénica que é pura dinamita. Con tres discos ás costas e un cuarto en camiño, chegan ao Aturuxo para deixar claro que a forza, a lingua e a resistencia tamén se cantan (e ben forte!) 💥💜

Nada de versións, nada de bises. Só punk, verdade e berros compartidos nun escenario que vai arder! 🔥

Mestura de sabedoría popular e vangarda sonora, Zeltia Irevire dálle forma a un estilo propio: Folk Tribal. 🎻🌌
A súa música é un ritual onde se atopan o bodhran, o bouzouki, a caixa de pimentón e o violín con sons electrónicos, creando unha paisaxe que soa a raíz e futuro.

Co seu primeiro LP Vacaloura e un novo repertorio baixo o brazo, chegan ao Aturuxo cunha proposta envolvente, combativa e profundamente galega. Defenden o noso patrimonio cultural e natural con forza e beleza. Non é só música: é experiencia, é territorio, é feitizo. 💫🌿

Vén deixar que o folk te atravesase!