Totade nota, xente! O vindeiro 8 de xuño terá lugar a Festa Presentación do Festival Aturuxo 2024 – XII Edición en A Sacabeira, Sargadelos. Cando algo é bo, repítese, e por iso é que non queriamos deixar pasar a oportunidade de facer, este ano tamén, a presentación oficial do noso festival coa maravillosa xente deste referente da cultura galega. Para tal ocasión non pode faltar música da boa e para iso contaremos coa actuación de Kedirán, que virán dende Compostela para facernos bailar e gozar a base de ben. Haberá racións de churrasco, opción vegana, sorteos e algunha que outra sorpresa. Estades todas/os convidadas/os. Lume!

Especialistas en foliadas e cantos de taberna traerán a Bravos a esencia festiva da súa música popular tradicional para facernos gozar coa gaita, a pandeireta, o bombo e o tambor. Lume!

Estas pandeireteiras e cantareiras de Vilalba entenden a música tradicional galega non só como un arte, senón como un xeito de vida. As súas voces e mans dan vida a cunchas, culleres, pandeiros, latas e tixolas nunha mestura de cantigas tradicionais recollidas, adaptacións e composicións propias! Achegarédevos a velas, non? Lume!

Dende o Vicedo virán esta xente coa súa celebración da música tradicional galega! As súas actuacións van dende os tradicionais e populares cantos de taberna ata elaboradas representacións de baile tradicional. Non podían faltar nesta edición do noso festival. Lume!

Estes viveirenses, ben coñecidos nas parroquias da contorna por conectar co público de todas as idades, combinan na súa música melodías e ritmos tradicionais con elementos actuais. Festa e música tradicional será o que traian ó noso festival este ano. Acudide a velos! Lume!

Ben coñecido na escena punk galega traerá ó noso festival a súa particular visión musical do mundo na que combina melodías punk con incisivas letras poéticas. Un caso aparte! Lume!

O burelés Emilio López (ex-Scornabois, cantante e produtor de Safari Orquestra) leva anos animando coas súas sesións festivais, pubs e clubs dentro e fóra da xeografía galega. Nesta edición traerá ó noso festival o seu estilo World Music que combina elementos de diferentes tradicións e culturas musicais! Lume!

O emblemático e recoñecido artista da escea músical infantil/familiar galega pisará Bravos nesta edición do festival para facernos gozar co seu rock a peques e non tan peques con temas míticos coma Rock da roda rota, Manolo Cavernario ou Pícame o cu! Lume!

Adiantábamolo no seu recente concerto en El Garaje en Viveiro e agora anunciámolo oficialmente. Loita Amada traerán ó Festival Aturuxo a súa mestura de rock, punk e música tradicional para convertir o noso escenario nunha auténtica celebración da cultura e a música galega!

Rematamos así esta primeira rolda de anuncios pero non sen antes convidarvos a que non lle quitedes ollo tanto ás nosas redes sociais coma á nosa páxina web porque non tardaremos en voltar con máis novidades. Lume!

Estes composteláns serán outro dos pratos fortes do Festival Aturuxo deste ano. Comprometidos coa nosa cultura e a nosa terra traerannos a súa unha mensaxe de resistencia, amor e loita na súa mestura de punk, rock e folk.

Mañá outro anuncio!

Lume!