Festival Aturuxo 2023 – XI Edición – Bravos, Ourol – 28 e 29 de xullo

Airiños da Freba

Airiños da Freba é un grupo de música tradicional da provincia de Lugo que se inspira nos cuartetos, quintetos e pequenas orquestiñas. O grupo naceu como unha asociación cultural dedicada á investigación e divulgación da música tradicional de Lugo. A súa proposta é unha divertida viaxe musical pola provincia de Lugo, principalmente polos anos 30, 40 e 50 do século pasado.